Известувачите на Обединетите нации (ОН) повикаа на прекин на огнот за да се спречи геноцид и хуманитарна катастрофа во Газа.
ОН објавија соопштение за израелските напади врз Газа потпишано од известувачите на ОН Педро Аројо Агудо, Мајкл Фахри, Тлаленг Мофокенг, Паула Гавирија Бетанкур, Ајрин Кан, Франческа Албанезе и Ашвини К.П.
– Длабоко сме разочарани што Израел ги одби повиците да престане со плановите за уништување на блокираниот Појас Газа – се вели во соопштението.
Беше нагласено дека полека истекува времето за спречување на геноцид и хуманитарна катастрофа во Газа, а беше упатен апел за прекин на огнот за да се спречи таква ситуација.
– Сè уште веруваме дека палестинскиот народ е изложен на сериозен ризик од геноцид. Време е да се дејствува. Сојузниците на Израел, исто така, сносат одговорност и мора да дејствуваат сега за да ги спречат израелските акции што ќе доведат до катастрофа, се вели во извештајот.
Во соопштението се наведува дека ужасите дополнително се продлабочиле со воздушните напади што Израел ги изврши врз бегалскиот камп Џабалија на северот на Газа ноќта на 31 октомври, при што загинаа и беа ранети стотици Палестинци.
– Израелскиот воздушен напад врз бегалскиот камп Џабалија е сурово кршење на меѓународното право и воено злосторство – се додава.
Во соопштението се предупредува на сериозна потреба од храна, вода, лекови, гориво и основни намирници во Газа.
– Ситуацијата во Газа достигна критичен праг на ниво на катастрофи – се додава.
Во соопштението се наведува и дека повеќе од два милиони луѓе
