Американскиот магазин Тајм, повикувајќи се на соработници блиски до претседателот на Украина, Володимир Зеленски, тврди дека украинските власти се подготвуваат да го сменат министерот и генералот задолжен за контраофанзивата. Студот би требало да го отежне напредувањето на војската и да ги замрзне линиите, но Зеленски одбива да го прифати тоа.
– Замрзнувањето на војната за мене значи загуба – тврди украинскиот лидер. Извори од неговиот близок круг за „Тајм“ велат дека може да се очекуваат големи промени во воената стратегија и пресврт предизвикани од промените. Тие најавија дека ќе биде разрешен најмалку еден министер, заедно со висок генерал задолжен за контраофанзивата.
Тие објаснија како тоа ќе ги казни одговорните за бавниот напредок на Украина на фронтот. „Не одиме напред“, вели еден од блиските соработници на Зеленски. Тој забележува дека некои команданти од првата линија почнале да одбиваат наредби за напад, дури и кога дошле директно од кабинетот на претседателот.
– Тие само сакаат да седат во рововите и да ја држат линијата. Но, не можеме така да ја добиеме војната – изјави соработник на украинскиот претседател. Притоа, тој објави текст во кој се занимава со проблемите со кои се соочи Зеленски за време на војната, од ситуацијата на фронтот и потребата за собирање меѓународна поддршка, до борбата против корупцијата.
