Пет работници загинаа кога се урна скеле на големо градилиште во Хамбург, пристаништен град во северна Германија, а неколку лица се водат како исчезнати, изјави портпаролот на противпожарната служба.
Причините за несреќата сè уште не се познати, додаде тој. „Неколку луѓе се закопани под скелето и се водат како исчезнати“, рече портпаролот. На терен се 70-ина члена на спасувачките екипи.
Несреќата се случи во Хафенсити, област на голем проект за обнова на поранешниот дел на пристаништето Хамбург.
Според дневниот весник „Билд“, скелиња се срушиле во „Вестфилд Хамбург – Уберсеквартиер“, нов деловен, станбен и рекреативен комплекс, кој ќе вклучува и нов терминал за крстарење.
Работниците што загинаа го граделе окното на лифтот кога скелето се урнало згмечувајќи најмалку осум работници.
„Целата област во која работеа околу 700 работници е евакуирана“, пишува „Билд“.