Израелски борбени авиони погодија 150 „подземни цели“ во северниот дел на Газа за време на интензивните ноќни напади, соопшти армијата во саботата.
Медиумите објавија воено соопштение во кое се вели дека погодените локации вклучуваат „терористички тунели, подземни борбени простори и дополнителна подземна инфраструктура“.
Биле убиени и неколку терористи на Хамас.
Дописниците од Појасот Газа и јужниот дел на Израел соопштија дека гранатирањето и воздушните напади продолжиле и утринава.
Во одвоено соопштение, израелската војска рече дека во една рација е убиен шефот за воздушни напади на Хамас, Асем Абу Ракаба, кој според неа одиграл клучна улога во нападите на 7 октомври што ја поттикнале тековната војна.
Израел вели дека 1.400 луѓе, главно цивили, биле убиени во прекуграничниот напад – најсмртоносниот во историјата на земјата – а повеќе од 200 биле земени како заложници. Министерството за здравство во Газа, управувано од Хамас, вели дека повеќе од 7.300 луѓе се убиени во нападите на Израел оттогаш, главно цивили.
