Монструмот од САД се уште е во бегство: ФБИ пребарува куќи, еден е опколен

Најмалку 18 лица загинаа, а 13 се ранети во масакрот што се случи во куглана и бар во градот Левистон во американската сојузна држава Мејн.

Ова е најсмртоносното масовно пукање во САД оваа година.

Осомничениот за убиството Роберт Кард се уште е во бегство, а ФБИ врши претреси додека трае потрагата по него.

Големо присуство на полиција и органи за спроведување на законот беше во близина на дом во градот Боудин за кој се верува дека е поврзан со Кард.

Државната полиција соопшти дека не е познато дали Кард била во некој од домовите што полицијата ќе ги претресе.

„Полицајците едноставно ја вршат својата работа следејќи ги сите наводи во обид да го лоцираат и уапсат Кард“, соопшти полицијата.