22.8 C
Скопје
29. мај 2024
Centar.mk – Вести, бизнис, забава, спорт…
СВЕТ

Десетици илјади луѓе без струја: Ураганот Ли ги опустоши САД и Канада, а најлошото допрва доаѓа

Десетици илјади луѓе во регионот на Нова Англија во САД и во источна Канада останаа без струја како последица на ударот на бурата „Ли“, која донесе обилни врнежи и ветер кој корнеше дрвја.

Невремето се движи кон североисточниот дел на северноамериканскиот континент, а може да ги погоди и канадските провинции Њу Бранзвик и Нова Шкотска.

Во Мејн, државата со најмногу површини покриени со шуми во САД, почвата е натопена, а дрвјата се многу ослабени и поради невремето и поради обилните летни дождови, а како што најавуваат метеоролозите, најсилните удари на невремето допрва треба да се очекуваат.

– Ни претстои долг пат, а веќе гледаме соборени дрвја и прекини во електричната енергија – изјави метеорологот Тод Фоази.

Во Масачусетс беше прогласена вонредна состојба и беше испратена федерална помош во таа американска држава.

Во сила е предупредување за наплив на бура од границата на Њу Хемпшир и Мејн до Нова Шкотска, Канада.

Немаше ниту влезни ниту појдовни летови на најголемиот аеродром во Нова Шкотска, Халифакс Стенфилд.