16.8 C
Скопје
25. септември 2023
Centar.mk – Вести, бизнис, забава, спорт…
Војна во УкраинаСВЕТ

Блинкен во ненадејна посета на Киев: САД ќе испратат над една милијарда долари за поддршка на Украина

Американскиот државен секретар Ентони Блинкен ја почна дводневната посета на Киев во знак на поддршка за украинската контраофанзива и се очекува да објави нов пакет-помош од САД во вредност од над една милијарда долари, изјави висок претставник на Стејт департментот на брифинг со новинарите.

Блинкен, кој е првиот висок американски функционер што го посети Киев од почетокот на контраофанзивата, треба да се сретне со претседателот, Володимир Зеленски, и со министерот за надворешни работи, Дмитриј Кулебa.

Американски официјални лица неформално истакнале дека контраофанзивата била премногу бавна и немала добра тактика, критики што ги налутиле украинските власти и го поттикнале Кулеба да им порача на критичарите да молчат.

Украина повторно зазеде десетици села и мали населби во контраофанзива, а напредувањето се забавува поради огромните мински полиња и ровови поставени од руската армија.