Руски сили погодија приватна компанија со крстосувачка ракета со долг дострел во ноќен напад во централниот украински регион Виница, соопштија украинските власти.
Во нападот е оштетен имот, а бројот на повредени не е познат, изјави гувернерот Серхиј Борзов.
„За жал, има жртви, им се дава помошта што им е потребна“, напиша Борзов на „Телеграм“.
Воздухопловните сили на Киев објавија дека собориле една од двете лансирани крстосувачки ракети. Ракетата е соборена над Кировоградската област, објави гувернерот на „Телеграм“.
Од почетокот на инвазијата во февруари 2022 година Русија често ги напаѓа украинските центри далеку од линијата на фронтот по воздушен пат.
