Комитетот за правила на Претставничкиот дом гласаше со 7 спрема 6 за да го одобри законот за кој преговараа претседателот Џо Бајден и претседателот на Претставничкиот дом Кевин Мекарти за да се зголеми плафонот на американскиот долг од 31,4 трилиони долари и да се постигнат нови кратења на федералните трошоци. затоа, тој закон ќе се расправа во Конгресот во среда , по што се очекува гласање за негово усвојување.
Причината поради која овој Закон едвај помина на Комисијата е тоа што двајца републиканци, Чип Рој и Ралф Норман, не ја почитуваа партиската дисциплина и гласаа против.
Предлог-законот потоа ќе треба да биде усвоен од Сенатот пред да биде испратен до претседателот Бајден за негов потпис. Во Сенатот секој пратеник може да го одложи брзото гласање и сè уште не е јасно кога ќе се одржи конечното гласање.
Оваа мерка мора да добие согласност од Конгресот до 5 јуни, бидејќи во спротивно Министерството за финансии може да остане без средства за плаќање на долговите за прв пат во историјата на САД, а тоа може да предизвика економски хаос и во САД и во во светот.