13.8 C
Скопје
31. мај 2024
Centar.mk – Вести, бизнис, забава, спорт…
СВЕТ

ЕУ и „Фајзер“ конечно постигнаа договор за вишокот вакцини против корона

Европската унија и фармацевтските компании „Фајзер“ и „Бионтек“ денеска објавија дека постигнале договор за измена на договорот за набавка на вакцини против Ковид-19, со што се намалува количината што ЕУ мора да ја купи и се поместува рокот за испорака до 2026 година, но деталите од договорот не се познати.

Договорот меѓу двете страни беше постигнат по неколкумесечни преговори и во време на притисок од европските влади врз Брисел да обезбеди промени во договорот поради падот на бројот на случаи на коронавирус ширум светот и малата побарувачка за засилувачки дози. Некои европски земји веќе ги уништија своите дози.

Комесарката за здравство на Европската комисија, Стела Киријакидес, го поздрави договорот за задоволување на тековните потреби. Повеќе од два месеци таа ги повикува членките на ЕУ да го поддржат амандманот на договорот за кој преговара Комисијата.

ЕК денеска соопшти дека дел од членовите одлучиле да го отфрлат изменетиот договор, без да прецизираат кои. Тие земји ќе останат според сегашниот договор, се вели во соопштението.