На северот на Косово дошло до инцидент меѓу косовската полиција и граѓани кога безбедносните сили се обиделе да им помогнат на новите градоначалници на Звечан, Лепосавиќ и Зубина Поток да ја преземат локалната власт.
Косовската полиција во петокот и покрај отпорот на група граѓани влезе во општинските згради Звечан и Зубин Поток – општини во кои живеат мнозинство Срби.
Како одговор, Александар Вучиќ ја испрати војската кон Косово.
Ситуацијата што се случува на Косово ја коментираше и американскиот државен секретар Eнтони Блинкен на својот официјален профил на Твитер.
„Силно ги осудуваме дејствијата на Владата на Косово кои ги ескалираат тензиите на север и ја зголемуваат нестабилноста. Го повикуваме премиерот Албин Курти веднаш да ги прекине овие насилни мерки и повторно да се фокусира на дијалогот со посредство на ЕУ“, напиша Eнтони Блинкен.