И Интерпол и Европол ги истражуваат лажните закани со бомби во Србија

Во текот на изминатата недела, спортски објекти, трговски центри, факултети, училишта и болници во Белград и Нови Сад повторно беа мета на лажни закани со бомби.

Според професорката на Универзитетот за криминалистика и полиција, Ивана Бодрожиќ, ваквите закани ѝ нанесуваат повеќекратна штета на Србија – правна, економска и политичка.

„Правна, бидејќи во вакви случаи се активира многу скап и ексклузивен кривично-правен апарат. Економска, затоа што се ангажираат исклучително големи економски ресурси на државните органи. Политичка, бидејќи може да се остави впечаток на одредена нестабилност кога се работи за извршување на овие кривични дела“, вели таа.

Бодрожиќ објаснува дека без разлика што ниедна од досегашните пријави не се покажала како точна, полицијата мора да испрати контра-диверзантски единици на терен, да ги евакуира сите граѓани таму и детално да го прегледа секој агол.

„Пријавите за лажни бомби почнаа лани во март со дојавата за бомба во авион на „Ер Србија“ на летот од Белград до Москва, а подоцна се проширија на основните и средните училишта и на здравствените институции“, изјави таа за РТС.

По трагичните настани во Белград и околината на Младеновац, Србија ја зафати нов бран дојави за поставени бомби во различни згради, пред се училишта.

„Кога станува збор за ланските настани, Вишото јавно обвинителство во Белград, во соработка со МУП и Безбедносно-информативната агенција, покрена кривична постапка против сторителите на овие кривични дела кои се државјани на Република Србија, главно за кривичното дело предизвикување паника и неред. Во случаите каде што постои сомневање дека сторителите се странски државјани, преку механизмите на Европол и Интерпол е започната меѓународна кривично-правна соработка и истата е во тек “, вели Бодрожиќ, која смета дека е можно да се најде секој сторител.

Како што објаснува таа, понекогаш може да се открие кривично дело за еден ден, а за некои кривични дела е потребно подолго време.

„Длабоко верувам дека службите за спроведување на законот во Република Србија, како и нашите партнери со кои остваруваме интензивна меѓународна кривично-правна соработка, се многу добар ресурс и капацитет за откривање на сторителите на кривични дела“, вели Бодрожиќ.

Можеби ќе ве интересира…

Бесими: Граѓанската обврзница е безризичен инструмент кој носи добри и безбедни приноси

2 јуни 2023, Скопје – Издавањето на граѓанската обврзница, како нов инструмент на пазарот, ќе даде можност на граѓаните да ги инвестираат своите пари и за тоа да добијат добри… Прочитај повеќе

Машините на терен – Почнаа работите на коридорот 8, постоечкиот автопат Тетово-Гостивар ќе се трансформира во автопатско решение со по три ленти во двата правци

Изградбата на стратешките инфраструктурни проекти е важна пред сè за подобрување на условите за живот на граѓаните, за обезбедување модерна и безбедна патна и железничка инфраструктура, за рамномерен регионален развој,… Прочитај повеќе

Внимавајте: Зa една година измамени 43 граѓани со брзи кредити

Десетици измамени граѓани се соочиле да плаќаат рати од туѓи подигнати брзи кредити. Само во 2022 година евидентирани се 43 случаи на измами со брзи кредити, велат од МВР за… Повеќе

Проверете дали ве има: УЈП ја објави најновата листа на должници со имиња на фирми и луѓе

Управата за јавни приходи објавува Листа на должници бр.05/2023 за долгови доспеани до 31.01.2023 и неплатени до 30.04.2023 година по основ на ДДВ, данок на добивка, персонален данок на доход,… Повеќе