Набргу по почетокот на сеопфатната инвазија на Путин, Украина ја забрани продажбата на алкохол во сите градови што се под руски напад.
Во меѓувреме, забраната е укината во поголем дел од земјата, но се уште е на сила во регионот на Доњецк. Причината е едноставна – комбинацијата на тешко вооружени војници и алкохол не е баш најдобрата опција. Официјални лица велат дека забраната е неопходна поради присуството на илјадници вооружени војници.
„Ако ги оставиме да се опијанат, тоа би било рецепт за катастрофа – изјави гувернерот на Доњецк, Павло Кириленко.
Продажбата на алкохол и супстанции што содржат алкохол е забранета во регионот на Доњецк, со исклучок на средства за дезинфекција и лекови вклучени во државниот регистар. Не е достапен ниту „Бојаришник“ – лосион за капење со мирис, кој е поевтин од вотка и чест избор на алкохоличарите, бидејќи содржи метанол.
На граничните премини полициски службеници претресуваат возила за да спречат шверц.
„Конфискуваме многу“, изјави полицаец за „Тајмс“, покажувајќи фотографија од десетици шишиња скриени во багажникот на автомобил.
Граѓаните на Доњецк се познати како луѓе кои се по „чашката“, а откако е воведена забраната, секојдневно водат битка со властите.
Кириленко открива дека жителите се снаоѓаат за алкохол на креативни начини. Некои роднини од други региони испраќаат алкохол во пластични шишиња, а некои продавници продаваат алкохол „под маса“.
„Ако знаете каде да барате, лесно можете да најдете алкохол – велат мештаните.
Иако оружјето и алкохолот се очигледно лоша комбинација, не сите украински војници се согласуваат со забраната.
Можеби ќе ве интересира…
Mртви сте уморни и едвај чекате да одите во кревет. Но, мозокот не мирува и мислите ви поминуваат низ главата… Се разбира, во тој случај нема шанси да заспиете. За… Прочитај повеќе
Сите можеме да се чувствуваме несигурни кога започнуваме нови врски, прашувајќи се дали некој навистина нè сака. Никој од нас не чита мисли, но нашето однесување може да даде прилично… Прочитај повеќе
Според последниот извештај на Светскиот економски форум, ризикот од фрагментација на глобалната економија (деглобализација) е еден од трите најголеми глобални ризици, заедно со кризата на трошоците на животот и климатските… Повеќе
Српските медиуми ги информираа своите граѓани дека во Македонија горивата се најевтини од сите земји во близина. Пресметките покажуваат дека во земјава се точи најевтин бензин и дизел гориво. Еден… Повеќе