Рускиот претседател Владимир Путин поседува луксузна рибарска вила во Финска, но тешко дека некогаш ќе ја искористи.
Напуштената викендица се наоѓа на брегот на езерото Саима во југоисточна Финска, а на Путин му ја изградил негов близок пријател и за неа се потрошени околу 3,2 милиони долари, пишува рускиот независен медиум „Инсајдер“.
Трикатната вила има лифт, винарска визба, подземна гаража, сауна, приватен базен, соба за билијард, канцеларија и осум тоалети, пишува „Инсајдер“ со презентација на планот на величествената зграда. Но, вилата никогаш не била завршена, вели новинарот на „Инсајдер“, Сергеј Канев.
На видеото објавено во четвртокот, Канев преку отворена врата влегува во напуштената куќа. Внатрешноста е исполнета со скелиња, градежни материјали, плочки, скали, бела техника и мебел за бања. Сè изгледа како работниците штотуку да го напуштиле градилиштето.
Новинарот наиде и на мистериозна кутија на која на руски пишува: „Не допирајте ги овие кутии без моја дозвола“.
Изградбата на вилата беше полна со проблеми, а мајсторите постојано се менуваа, бидејќи си заминуваа поради неисплатени плати, а потоа ќе требаше да чекаат други екипи. Некои работници дури одбиле да работат на куќата.
Изградбата на вилата ја финансираше стариот пријател на Путин од државниот универзитет во Ленинград, Виктор Кмарин, кој сега лобира за рускиот лидер. За време на студирањето заедно оделе на забави и биле партнери во борење.
Според „Форбс“, Кмарин сега е извршен директор на најголемата руска хидроенергетска компанија и е во брак со братучедка на Путин.
Кмарин ја изгради луксузната вила во Финска за Путин да може да поминува повеќе време со него. Главната зграда чинела околу 541.000 долари, осигурителната куќа 216.000 долари, градежните материјали чинат 432.000 долари, а има и разни дрвени мостови, патеки и рибарска куќа кои ја украсуваат околината.
Не е јасно кога почнала изградбата, но сигурно било пред 2017 година.
Имено, тогаш Путин за последен пат ја посети Финска и се сретна со финскиот претседател Саули Ниинисто во блискиот град Савонлина.
За време на средбата на Путин со финскиот претседател, Кмарин дошол во вилата и им рекол на мајсторите да престанат со работата бидејќи Путин повеќе не е заинтересиран за риболов во Финска, пишува „Инсајдер“, повикувајќи се на извори од руската служба за безбедност.
Кмарин подоцна практично ја отпишал куќата бидејќи не можел да најде купувач за неа.
Можеби ќе ве интересира…
Од 19:15 часот регионалниот пат Охрид-Свети Наум, кај с.Љубаништа, поради одрон на патот, сообраќајот е во целосен прекин. Прочитај повеќе
За оние кои летово планираат да возат до најблиските плажи во соседството, најважно е колку ќе чини да се наполни полн резервоар со гас, пишува Б92. Најевтино ќе биде ако… Прочитај повеќе
Ќе одат надолу цените на квадратен метар станбена површина во главниот град и внатрешноста на Македонија велат познавачите. Цените кои беа напумпани на становите во Скопје и внатрешноста се очекува… Повеќе
Управата за јавни приходи објавува Листа на должници бр.05/2023 за долгови доспеани до 31.01.2023 и неплатени до 30.04.2023 година по основ на ДДВ, данок на добивка, персонален данок на доход,… Повеќе