Хрватскиот воздушен простор за кратко ќе биде надгледуван од унгарски и италијански борбени авиони – објави за хрватските медиуми, министерот за одбрана Марио Баножиќ.
Тој рече дека тоа е неопходно бидејќи хрватските пилоти и механичари ќе поминат обука за преминување на авионите „Рафал“.
Баножиќ не сакаше да открие кога унгарските и италијанските авиони би можеле да ја преземат контролата над хрватското небо.
Како што дознава Јутарњи лист, освен интензивната обука на механичарите и пилотите, причина за ангажманот на италијанските и унгарските авиони е исцрпувањето на ресурсите на хрватските МиГ. Во моментов хрватското воздухопловство располага со осум борбени авиони МиГ 21.
Ресурсите на некои од овие авиони истекуваат оваа година, а некои мора да бидат приземјени во 2024 година и понатаму.
Баножиќ вчера изјави дека првите „рафали“ во Хрватска ќе пристигнат во првиот квартал на следната година, до кога треба да биде готова инфраструктурата за нивен прием. Последните треба да пристигнат во првиот квартал од 2025 година. Со оглед на тоа темпо на испорака, може да се очекува дека италијанските и унгарските авиони ќе бидат ангажирани на крајот на оваа година.
Во 2019 година, Хрватска и Унгарија потпишаа договор со кој беа отстранети правните и дипломатските пречки за Унгарија да го надгледува воздушниот простор на Хрватска доколку е потребно. Во документот се наведува дека двете земји го следат и штитат воздушниот простор како дел од интегрираниот систем за воздушна одбрана и противракетна одбрана на НАТО, пишува „Јутарњи лист“.
Можеби ќе ве интересира…
На Самитот на Европската политичка заедница во Молдавија, премиерот Димитар Ковачевски се сретна со германскиот канцелар Олаф Шолц, кој ја повторил силната поддршка на Германија за интеграцијата на Северна Македонија… Прочитај повеќе
Зоран БОЈАРОВСКИ Весна Дамева, член на Судскиот Совет и претседателка на ова тело од декември минатата година до 26 април годинава, кога беше разрешена од оваа должност, учествувала во постапки… Прочитај повеќе
Управата за јавни приходи објавува Листа на должници бр.05/2023 за долгови доспеани до 31.01.2023 и неплатени до 30.04.2023 година по основ на ДДВ, данок на добивка, персонален данок на доход,… Повеќе
Зајакнување на позициите на пазарите, градење препознатлив бренд со географска индикација и успешна трансформација кон органско производство се основите за успех на македонската винска индустрија. Ова се современите трендови во… Повеќе