68-годишен маж почина од вдишување чад, а 24 лица се полесно повредени во пожар во болницата Сан Карлос во Мадрид, јавуваат шпанските медиуми.
Пожарот избувнал околу еден часот по полноќ на петтиот кат од болницата, а причините се уште се истражуваат, соопшти портпаролот на Министерството за здравство, пренесува „Ел Паис“.
Noticias frescas en directo!!! En el Hospital Clinico San Carlos en Moncloa hay un incendio en la quinta planta, muchos bomberos ambulancia un jaleo, increíble, catastrofico, que pasara? Seguire informando, 01:32 de la noche domingo 14 de mayo pic.twitter.com/ntvDRKJJIH
— Aiden (@tr4shy4iden) May 13, 2023
Пожарот избувнал во просторијата во која загинал мажот и било спречено негово ширење.
Според „Ел Мундо“, пациентот во тоа време бил сам. Весникот додава дека пожарот избувнал во одделот за психијатрија. Меѓу повредените има полицајци, обезбедувачи и медицински персонал, а по укажаната помош тие се пуштени дома.
