11.8 C
Скопје
18. мај 2024
Centar.mk – Вести, бизнис, забава, спорт…
СВЕТТОП ВЕСТИ

Се поблиску вториот круг во Турција: Ердоган падна под 50 отсто, поддршката за кандидатот на опозицијата расте

Претседателските избори во Турција најверојатно ќе одат во втор круг, откако бројот на гласови за актуелниот претседател Реџеп Таип Ердоган падна под 50 отсто.

Иако тој се уште е во водство, имајќи предвид дека во трката има четворица кандидати, турскиот изборен закон бара втор круг, кој е закажан за 28 мај.

Според последните резултати, со преброени 89,24 отсто од гласовите, Реџеп Таип Ердоган има 49,94 отсто поддршка. Зад него е Кемал Киличдароглу со 44,30 отсто и Синан Оган со 5,30 отсто поддршка. Мухарем Инџе има 0,46 отсто, но се повлече пред неколку дена.

Според досегашната практика, остатокот од гласовите доаѓаат од големите градови, кои се „приклонуваат“ кон опозицијата во Турција. Иако е тешко да се предвиди, повеќето експерти очекуваат дека поддршката за актуелниот претседател дополнително ќе опаѓа.

Да потсетиме, вкупната излезност на турските избори е 88,27 отсто. Со други зборови, од можни 64,1 милион гласачи, на гласање излегле дури 56,5 милиони Турци.