Лидерот на Вагнер, Евгениј Пригожин повторно се огласи, нарекувајќи ја војната во Украина „глупава“ и индиректно повика на бунт против воените структури во Русија.
Пригожин рече дека руските војници умираат затоа што некој од Русија така сака.
– Во оваа глупава војна, постои само еден сосема невин руски војник, кој мора да се откаже од својата судбина и кој е одлучен да умре на начин на кој сакаат оние кои имаат канцеларии во махагони. И кога рускиот војник ќе сфати што се случува околу него, кога ќе ја крене главата, сигурен сум дека ќе разбере кој го мести и ќе ги уништи тие фашисти кои се виновни за оваа трагедија и неговото напуштање – рече Пригожин.
Неодамна, Пригожин ги засили своите напади врз руското воено раководство, пред се врз министерот за одбрана Сергеј Шојгу.
Тој ја обвини руската армија дека побегнала од Бахмут и дека сето тоа им го оставила на борците на Вагнер, кои со недели биле лишени од редовно снабдување со муниција.
