„Со измените на законите за изградба на Коридорите 8 и 10д ќе се забрзаат процедурите и тоа се измени што ги барале и нашите компании. Кога беше дискусијата во Стопанската комора, такви измени бараа и тие“ изјави премиерот Димитар Ковачевски во „Само интервју“ на Канал 5.
Тој додаде дека измените не се за воведување на 60 часовна работна недела, туку се работи за регулирање на прекувремените часови работа.
„Ова не се однесува според законските измени само на овој коридор 8 и 10Д, туку се работи за законски измени кои се однесуваат и за други стратешки проекти донесени со закон во делот на патната инфраструктура, железничката инфраструктура, енергетската кои што голем дел се финансирани и со европски финансиски средства“ рече Ковачевски.
Премиерот рече дека Договорот со Бехтел и Енка е согласно постојната законска регулатива, а тоа што опозицијата ги блокира измените кои би го забрзале проектот значи дека тој ќе чини повеќе и ќе трае повеќе.
