Четворица од деветте пациенти што добија тешки телесни повреди во масовното пукање во Младеновац се тргнати од апаратите за дишење и се во подобра здравствена состојба, еден од пациентите дури е испратен на домашно лекување, пренесуваат српските медиуми.
Според написите, двајца пациенти сè уште се во тешка состојба, едниот има сериозни повреди на црниот дроб, бубрезите и колената, а другиот има сериозни повреди на главата и окото.
И на Ургентниот центар има пациенти што добиле тешки повреди по пукањето што се случи во ОУ „Владислав Рибникар“, еден ученик е испратен на домашно лекување, наставничката е во подобра состојба, а денеска треба да ѝ се направи мини оперативна интервенција на раката.
Девојчето, чија потколеница беше повредена во нападот, денеска треба да има уште една дополнителна операција, момчето што доби повреда на цервикалниот дел од ‘рбетот сè уште е во најтешка состојба, не ги чувствува екстремитетите, според тамошните медиуми.
