Одрон затрупа неколку камиони на автопатот по должината на границата меѓу Пакистан и Авганистан, при што загинаа две лица, а десетици беа заробени, соопштија локалните власти.
Во тек е спасувачка операција на десетици пожарникари со тешка механизација на граничниот премин Торкам, изјави официјалниот претставник Насир Кан.
Свлечиштето беше предизвикано од обилни дождови и невреме со грмотевици што зафати неколку северни и северозападни региони на Пакистан во текот на ноќта од неделата кон понеделникот, додаде Кан.
Спасувачите извлекоа двајца мртви авганистански државјани, а најмалку шестмина повредени се пренесени во болница, изјави друг претставник на локалната администрација, Калид Африди. „Можеби повеќе од 40 луѓе се заробени“, рече Африди.
Спонзорирано:
