Московскиот градски суд денеска ја отфрли жалбата на американскиот новинар Еван Гершкович и одлучи тој да остане во притвор до 29 мај.
Новинарот на „Волстрит џурнал“ поднесе жалба против одредениот притвор под обвинение дека се занимавал со шпионажа во Русија.
Гершкович (31) е првиот американски дописник од крајот на Студената војна, кој е приведен во Русија поради наводна шпионажа.
Руската Федерална служба за безбедност го приведе во Екатеринбург на 29 март и го обвини дека се обидел да добие доверливи информации за руска фабрика за оружје.
