Германија прифати 32 преживеани мигранти од минатомесечниот бродолом кај јужна Италија, соопштија денеска италијанските власти и Обединетите нации.
Меѓународната организација за миграција (ИОМ) помогна да се организира чартер лет со кој беа превезени 32 преживеани во Хамбург, се вели во соопштението на Канцеларијата на Владата на италијанската област Калабрија.
Како што јавува АНСА, меѓу преживеаните има 28 Авганистанци, двајца Сиријци, еден Ирачанец и еден Сомалиец, а тие ќе им се придружат на своите роднини кои веќе живеат во Германија.
Портпаролот на ИОМ рече дека ќе можат да побараат азил.
Италијанската влада, која се соочува со зголемување на илегалната миграција по море од Северна Африка, постојано ги повикува другите земји во Европската унија да примат повеќе мигранти. Повеќе од 90 луѓе загинаа на 26 февруари во близина на Кутро во Калабрија, во една од најсмртоносните поморски несреќи во италијанските територијални води.
Италијанските власти ги отфрлија обвинувањата дека не направиле доволно за да го спречат бродоломот.
Полициски чамци се обиделе да го пресретнат бродот пред да потоне, но не можеле да стигнат поради лошите временски услови.
Можеби ќе ве интересира…
Мандарините се богати со многу витамини, ја поттикнуваат работата на мозокот и се препознаваат по пријатниот мирис и вкус. Сепак, како и со се, мора да бидеме внимателни со нив… Прочитај повеќе
Телешкиот гулаш е јадење на кое ретко кој може да одолее. Вкусно и фино јадење со ориз, тестенини или компири е совршениот ручек. Состојки за четири лица: 1 кг телешко… Прочитај повеќе
Во тек е процесот за носење на законските измени со кои максималната камата нема да смее да го надминува. Тоа значи доколку некој граѓанин зел 10.000 денари, максимум за камати… Повеќе
Цената на квадратен метар станбена површина ќе се намалува. Напумпаните цени на становите во Скопје и внатрешноста се очекува да паднат, пред се поради намалената побарувачка, но и поевтинувањето на… Повеќе