Чиле го забележа првиот случај на птичји грип кај луѓето, објави во средата Министерството за здравство. Кај 53-годишен маж со тешки симптоми на грип е дијагностициран птичји грип, но пациентот е во стабилна состојба, се вели во соопштението на Министерството. Владата го истражува изворот на инфекцијата и другите луѓе кои биле во контакт со пациентот.
Чиле бележи случаи на птичји грип, H5N1, кај диви животни во изминатата година. Последните случаи на фабричките фарми ја принудија владата да го прекине извозот на живина.
Истите случаи се забележани на живинарските фарми во Аргентина, но Бразил, најголемиот извозник на живина, досега нема забележано такви случаи. Чилеанските здравствени власти забележуваат дека вирусот може да се пренесе од птици или морски цицачи на луѓе, но не се познати случаи на пренесување на вирусот од човек на човек.
На почетокот на годината Еквадор го потврди првиот случај на човековото пренесување на птичји грип кај 9-годишно девојче. Глобалните здравствени власти велат дека преносот на вирусот од човек на човек е многу низок, но производителите на вакцини веќе подготвуваат вакцини против птичји грип за луѓето „за секој случај“.
