Американскиот министер за одбрана Лојд Остин смета дека Украина има многу добри шанси да започне успешна контраофанзива во пролетта оваа година поради значителното исцрпување на руските сили и западното оружје, пишува Украинска Правда.
– Мислам дека напролет ќе видиме интензивирање на непријателствата бидејќи се подобруваат условите за маневрирање и врз основа на она што веќе го направивме и продолжуваме да го правиме. Мислам дека Украина ќе има многу добри шанси за успех – изјави Остин за време на сослушувањето во Комитетот за вооружени сили на американскиот Сенат.
Меѓу другото, Остин рече дека Украина во моментов има значителна предност во однос на руските сили.
– Украинците им нанесоа значителни загуби на Русите и ги исцрпија нивните оклопни возила на начин на кој никој не можеше ни да замисли – изјави Остин.
