Зградата на градското собрание во Бордо беше запалена вечерва за време на протестите што се одржуваат ширум Франција поради планираните реформи во пензискиот систем и зголемувањето на старосната граница за пензионирање.
Влезот на градското собрание во овој град на југозападот на Франција изгоре по цел ден протести и судири, јавува Би-Би-Си.
Засега не се знае кој е одговорен за пожарот кој пожарникарите брзо го изгаснаа.
На протести ширум земјата денеска излегоа повеќе од милион луѓе, а според податоците на МВР, во Париз се собраа речиси 120.000 демонстранти.
Полицијата фрли солзавец кон демонстрантите во главниот град, а 80 лица се уапсени низ Франција, јавува Би-би-си.
Протестите предизвикаа прекини во железничкиот сообраќај, како и во работата на рафинериите за нафта, а денеска со работа престанаа и наставниците и вработените на аеродромот Шарл де Гол.
Протести имаше и во Нант, Руан и Рен, јави Би-Би-Си.
🚨🇫🇷URGENT – La mairie de #Bordeaux prend feu. pic.twitter.com/OUbsiZ4Iu7
— AlertesInfos (@AlertesInfos) March 23, 2023
