Русија е подготвена да најде политичко и дипломатско решение за украинското прашање и ја цени добро балансираната позиција на Кина за ова прашање, изјави претседателот Владимир Путин.
Москва ја поздравува „подготвеноста на Пекинг значително да придонесе за решавање на кризата“, рече Путин во написот објавен од кинескиот весник „Пиплс дејли“, ден пред посетата на претседателот Шји Џјинпинг на Москва.
„Русија е отворена за политичко и дипломатско решение на украинската криза. Не беше Русија таа што ги прекина мировните преговори во април 2022 година“, рече Путин.
Тој смета дека иднината на мировниот процес зависи исклучиво од волјата за вклученост во значајна дискусија имајќи ја предвид актуелната геополитичка реалност.
Путин рече дека војната во Украина е испровоцирана и дека Западот ревносно ја поттикнува.
