Тајниот план изготвен од руската Служба за безбедност (ФСБ) поставува детаљни опции за дестабилизација на Молдавија – вклучително и поддршка за проруските групи, употреба на Православната црква и закани за прекинување на снабдувањето со природен гас.
Се чини дека документот е составен за да се спречи наклонетоста на Молдавија кон Запад, што вклучува поблиски односи со НАТО и обид за пристап во Европската Унија.
Важноста да се спречи Молдавија да влезе во НАТО беше споменувана неколкупати.
Си-ен-ен го виде целиот документ, кој се чини дека е напишан во 2021 година од Дирекцијата за прекугранична соработка на ФСБ.
Насловот на документот е „Стратешки цели на Руската Федерација во Република Молдавија“.
Документот ја изложуваше 10-годишната стратегија за внесување на Молдавија, поранешна советска република во сендвич меѓу Украина и Романија, во сферата на влијание на Русија.
Планот вклучува Молдавија да биде зависна од увозот на руски гас и поттикнување социјални судири, како и обид за блокирање на напорите на Молдавија да стекне влијание во прорускиот отцепен регион Приднестровие, каде што се стационирани околу 1.500 руски војници.
Документот од пет страници е поделен на неколку наслови со краткорочни, среднорочни и долгорочни цели.
Меѓу непосредните цели се „поддршка на молдавските политички сили, кои се залагаат за конструктивни односи со Руската Федерација“ и „неутрализирање на иницијативите на Република Молдавија насочени кон елиминирање на руското воено присуство во Приднестровие“.
Среднорочните цели вклучуваат „спротивставување на експанзионистичката политика на Романија во Република Молдавија“ и „спротивставување на соработката меѓу Република Молдавија и НАТО“.
Документот на ФСБ исто така поставува долгорочни цели, вклучително и „создавање стабилни групи на проруско влијание во политичките и економските елити на Молдавија“ и „формирање негативен став кон НАТО“.
Запрашан за овој документ во четвртокот, портпаролот на Кремљ, Дмитриј Песков, рече дека „не знаат ништо за постоењето таков план“.
Песков додаде дека им е жал што сегашното раководство на Молдавија доживува целосно неоправдани и неосновани предрасуди кон Москва.
