11.8 C
Скопје
18. мај 2024
Centar.mk – Вести, бизнис, забава, спорт…
ВОЈНА ВО УКРАИНАСВЕТ

Лидерот на Донецк: Тешко е во Бахмут, нема знаци дека Украинците се повлекуваат

„За руските сили што се обидуваат да го заземат украинскиот град Бахмут, ситуацијата е тешка бидејќи нема знаци дека Киев е подготвен да им нареди на своите војници да се повлечат“, изјави шефот на украинската област Донецк, назначен од Москва, Денис Пушилин.

Руските сили предводени од приватната армија „Вагнер“ со месеци се обидуваат да го опколат и заземат источниот украински град во она што се претвори во најкрвавата битка во едногодишната војна.

Русија, која го нарекува Бахмут со името Артемовск од советската ера, вели дека освојувањето на градот ќе ѝ овозможи да почне повеќе офанзиви подлабоко на украинската територија за која вели дека се бори да ја ослободи.

„Ситуацијата во Артемовск е сè уште сложена и тешка“, рече Пушилин во интервју за државната телевизија. „Тоа е, не гледаме индикации дека непријателот, едноставно, ќе ги повлече војниците“, додаде тој.