Маж во Индонезија, извесен Г. О. (28), итно бил пренесен во болница поради загуба на крв кога неговата девојка А. С. Т. (28) го нападнала во хотел во градот Сиболга.
Полицијата тврди дека мажот сакал да има секс со својата партнерка, но таа не била расположена и го одбила за време на инцидентот, кој се случил на 25 февруари годинава.
Кога му го отсекла пенисот на момчето, сведоци велат дека се слушнале врисоци од болка.
Шефот на полицијата на Сиболга рекол:
„Врз основа на изјавата на осомничениот, тие биле во врска околу седум месеци. Така, договориле средба во хотел, а потоа мажот побарал секс по што жената одбила“.
„Кога му бил одбиен сексот, мажот се заканил дека ќе ја рашири снимката од нивните интимни активности. Потоа, кога сакал да се истушира, осомничената го нападнала. Таа го зела ножот што му припаѓал на мажот и му го отсекла пенисот“, изјавил тој.
Рецепционерот во хотелот рекол дека не слушнал никаков шум од собата на парот додека не се случил инцидентот, пишува „Дејли мејл“.
Тој изјавил дека, по нападот, жената му пришла барајќи лекарска помош за својот партнер, кој обилно крвавел на местото на настанот.
Жената е задржана во полиција, но засега не е поведено обвинение.