Градоначалникот на Киев и поранешен светски шампион во бокс, Виталиј Кличко им се обрати на своите сограѓани на првата годишнина од војната во Украина.
Тој на својот Телеграм канал објави: „Пријатели! Една година живееме во нова реалност, трагична и психички исцрпувачка. Но, се бориме, веруваме во себе, во нашата земја. И поради тоа, ќе надминеме се и победи“.
„Пред една година, одлуката на Русија да ја започне оваа варварска војна им изгледаше нереална за повеќето Украинци. Но, главниот град се подготвуваше за можна офанзива. Доброволците се пријавуваа за територијална одбрана, а нашата армија ни помогна да го заштитиме и задржиме Киев“, објави Кличко.
„Критичната инфраструктура на градот се одржа и покрај гранатирањето и реалната закана од улични борби. Болниците примија ранети од предградијата, каде што се водеа тешки битки. Продавниците и аптеките останаа отворени. Компаниите и граѓаните на Киев им пружија поддршка на сите на кои им беше потребна. најави градоначалникот.
