26.8 C
Скопје
13. април 2024
Centar.mk – Вести, бизнис, забава, спорт…
СВЕТТОП ВЕСТИ

Бројот на загинати во земјотресот во Турција се зголеми на 43.556

Турскиот министер за внатрешни работи Сулејман Сојлу објави дека бројот на загинати во земјотресот на 6 февруари во јужна Турција се зголеми на 43.556.

Земјотреси со јачина од 7,7 и 7,6 степени според Рихтеровата скала, со епицентри во провинцијата Кахраманмарас, ги погодија јужните делови на Турција на 6 февруари, уништувајќи илјадници згради и погоди повеќе од 13 милиони луѓе.

Релевантниот турски министер Сојлу вечерва зборуваше во живо во програмата на каналот ТРТ Хабер во Координативниот центар во Хатај. Тој посочи дека Турција се соочила со еден од најразорните земјотреси во светот.

– Во изминатите две и пол и три години претрпевме многу големи катастрофи, од поплави и пожари до земјотреси. Првата вест што ја добивме веднаш беше знак дека се работи за голема катастрофа – рече Сојлу и порача дека Република Турција и нејзиниот народ ќе ја надминат и оваа катастрофа.

Повеќе од 7.250 последователни потреси се регистрирани во јужна Турција во изминатите 17 дена. Турскиот претседател Реџеп Таип Ердоган претходно најави дека земјата во рок од една година ќе изгради околу 200.000 станбени единици кои беа уништени од неодамнешните земјотреси и дека ќе бидат згрижени сите погодени од земјотресите.

Спонзорирано: