21.8 C
Скопје
28. март 2024
Centar.mk – Вести, бизнис, забава, спорт…
ТЕМАСВЕТ

Исчезнатото американско момче е пронајдено по 8 месеци на другиот крај од земјата

Момчето кое исчезна во средината на јуни во државата Вашингтон, беше пронајдено живо и здраво во Мисури.

Бредсон Џон се води како исчезнат од 17 јуни. Тогаш полицијата дошла во неговиот дом во Ванкувер за проверка на социјалната помош поврзана со кривична истрага. Таму не го нашле момчето, па го пријавиле за исчезнат.

Оттогаш, полицајците се обиделе да контактираат со неколку членови на семејството на Бредсон. Полицијата на Ванкувер соопшти дека не може да го лоцира момчето, а членовите на семејството нема да соопштат информации за тоа каде се наоѓа.

Пријави се поднесени и против бабите и дедовците за попречување на процесот за доделување старателство. Инаку, бабата и дедото беа последните познати старатели на момчето пред да исчезне.

Во јануари ФБИ објави постер со момчето како исчезнато лице.

Бредсон беше пронајден во петокот со помош на шерифот и неговите заменици во округот Јаспер (Мисури), соопшти ФБИ.

Според соопштението, истражителите успеале да утврдат дека тој бил однесен во Мисури во август. Се уште не е јасно како стигнал таму и што прави таму од јуни.

Тој во моментов е приведен од социјалните служби, кои ќе го вратат во Ванкувер.

Спонзорирано: