18.8 C
Скопје
28. март 2024
Centar.mk – Вести, бизнис, забава, спорт…
Press conference by NATO Secretary General Jens Stoltenberg following the first day of meetings of NATO Defence Ministers
СВЕТИЗБОР

Јенс Столтенберг би можел да остане на чело на НАТО до април 2024 година

Членките на НАТО повторно ќе го продолжат мандатот на генералниот секретар Јенс Столтенберг, пишува денеска германскиот весник „Велт“, повикувајќи се на дипломатски извори.

Членовите ќе го продолжат мандатот на Столтенберг до април 2024 година поради неговите „исклучителни достигнувања“ и гаранцијата за стабилноста на воениот сојуз за време на војната во Украина, пишува весникот, пренесува Срна.

Меѓу 30-те членки на алијансата постои неформален договор дека Столтенберг ќе остане на функцијата и по истекот на неговиот мандат на 30 септември, а формална одлука ќе биде донесена во наредните недели, се додава во текстот.

НАТО претходно најави дека нема намера да бара ново продолжување на неговиот мандат.

Столтенберг, по професија економист и поранешен лидер на Норвешката Лабуристичка партија, минатата година доби продолжување на мандатот.

Тој беше премиер на Норвешка во 2000 и 2001 година и од 2005 до 2013 година пред да стане шеф на Северноатлантската алијанса во 2014 година. Тој беше и министер за финансии и енергетика.

Спонзорирано: