11.8 C
Скопје
28. март 2024
Centar.mk – Вести, бизнис, забава, спорт…
СВЕТИЗБОР

(Видео) Питон живее во директорска канцеларија во Бугарија

Питонот Лејди Кали живее во директорска канцеларија во Добрич. Змијата која е од заштитен вид е жртва на нелегална трговија и завршила во зоолошката градина во бугарскиот град Добрич, каде директорот ја засолнил во својата канцеларија.

Таму спасот го нашле уште неколку егзотични животни, а идејата е да се создаде куќа во која тие ќе живеат.

Женскиот питон Лејди Кали веќе 6 месеци е под заштита на директорот на Центарот за заштита на природата и животните во Добрич. Змијата беше атрактивен подарок за ексцентрична дама, прошверцувана во нашата земја, рекол тој, пренесува БНТ.

„Една госпоѓа реши да биде малку поалтернативна со своето милениче и избра да земе дома змија – мал питон долг 50 сантиметри кој е увезен од странство. Но, тогаш сфати дека е многу тешко да се грижи за такво животно кое прво, бара многу грижа и, второ, дека всушност бара документи за потекло, кои животното всушност ги нема“ – изјави Христијан Христов за БНТ.

Денес, питонот е стар 4,5 години и долг 3,7 метри.

„Змијата не е отровна, но има силен, силен загриз со стотици заби во устата, за разлика од отровните змии“, рече Христов.

Кристијан ѝ дозволува да шета низ неговата канцеларија, но внимава да се одржува константна соодветна температура.

„Таа е постојано чувана во овој прилагоден терариум. Кога дојде кај нас, немаше соодветен контролер, термостат, штитник за грејач, а всушност самата змија има неколку траги од изгореници“, вели тој.

Спонзорирано: