Десетдневното момче Јагиз е извлечено од урнатините на зграда во турската провинција Хатај.
Спасувачите кои го извлекле бебето веднаш го завиткале во термо ќебе. На фотографиите кои го обиколија светот може да се види и неговата расплакана мајка, која спасувачите ја изнесоа на носилки поради можна повреда на кичмата.
Не се знае здравствената состојба на мајката и бебето, ниту како успеале да преживеат во урнатата зграда.
Медиумите пренесуваат дека Јагиз е роден на почетокот на февруари, а половина од животот го поминал во урнатините.
Да потсетиме, разорни земјотреси ги погодија Турција и Сирија во понеделник на 6 февруари.
Фотографијата од малиот херој ја сподели градоначалникот на Истанбул, Екрем Имамоглу.
Yağız Ulaş bebek sadece 10 günlük. Depremden 90 saat sonra Hatay Samandağ’da annesi ile birlikte enkazdan çıkarıldı. pic.twitter.com/7jjjEXQfiV
— Ekrem İmamoğlu (@ekrem_imamoglu) February 9, 2023