Откако во понеделникот разорните земјотреси ги погодија јужните провинции на Турција, три лица се спасени од под урнатините во Газиантеп, 76 часа по земјотресот, јавува Анадолија.
Продолжуваат операциите за пребарување и спасување во регионите погодени од земјотресот, а во Газиантеп таткото и синовите Митхат, Ерсин и Мустафа Табур беа извлечени од под урнатините.
Тие беа придружувани до болницата со аплаузи и текбири.
Најмалку 12.873 луѓе загинаа, а 62.937 се повредени по двата силни земјотреси што во понеделникот ја погодија јужна Турција, објави во средата Управата за вонредни ситуации (АФАД).
Земјотреси со јачина од 7,7 и 7,6 степени според Рихтеровата скала со епицентар во провинцијата Кахраманмарас погодија десет провинции и повеќе од 13 милиони луѓе.