Во своето обраќање до нацијата во Конгресот на 7 февруари, американскиот претседател Џо Бајден уште еднаш покажа дека негов највисок интерес и заложба е единството на нацијата. Бајден во изминатите две години покажа дека сака и може да работи заедно со опозицијата во остварување на заедничките интереси на земјата. Тој ги обликуваше своите политики и практики според потребите на „обичниот Американец“. И во ова обраќање, уште во првите минути, пред и да го започне говорот, Бајден го покажа својот силен стремеж за обединување на нацијата.
„До моите пријатели Републиканци, ако можевме да работиме заедно во претходниот Конгрес, нема причина да не можеме да работиме заедно и да најдеме консензус за важни работи и во овој Конгрес. Народот ни испрати јасна порака. Борбата заради самата борба, моќта заради самата моќ, конфликтот заради самиот конфликт – не води никаде“, рече американскиот лидер.
Во својот исклучително енергичен говор, Бајден ја крена конгресната сала на нозе голем број пати и извлече громогласни аплаузи педесетина пати за време на својот 69-минутен говор. Сосема очекувано, дел од Републиканците и гласно реагираа на делови од говорот на претседателот. А тој спремно им одговараше. Оваа интеракција меѓу претседателот и опозицијата, според коментаторите од Белата Куќа, е своевиден преседан, но и пример за динамичен и отворен политички дијалог. Дури и кога е во прашање обраќање до нацијата.
Ајде да ја завршиме работата!
„Ајде да ја завршиме работата!“ – повика Бајден повеќе пати во текот на своето обраќање до нацијата. Тој го често го користи изразот „Ајде да ја завршиме работата!“ во изминатиот период, за да поттикне на единство, но и да ги успокои, како своите политички противници, така и целата американска јавност, дека тешките одлуки и големите проекти и реформи се насочени кон сигурноста и просперитетот на државата и добробитта на сите.
„Во услови на економски пресврт во изминатите четири децении, премногу луѓе беа оставени или третирани како да се невидливи. Можеби тоа си и ти, што го гледаш ова од дома”, рече Бајден, кој е на чело на администрацијата што креираше 12 милиони работни места за две години, повеќе отколку било кој американски претседател за четири години.
Бајден се осврна и на кинескиот шпионски балон што прелета преку дел од САД и беше соборен од американски воен авион. Тој сподели дека му кажал на кинескиот претседател Си Џинпинг дека САД бараат конкуренција со Пекинг наместо конфликт. Но додаде: „Нема да се извинувам што инвестираме за да ја направиме Америка силна“. Притоа, го повтори ставот дека Кина е најголемата долгорочна закана за американските интереси.
„Не правете грешка во врска со тоа. Како што јасно кажавме минатата недела, ако Кина го загрози нашиот суверенитет, ние ќе дејствуваме за да ја заштитиме нашата земја. Тоа и го сторивме“, рече претседателот Бајден.
Тој им се обрати на Републиканците кои гласаа против неговите проекти за инвестирање во инфраструктурата.
„До моите републикански пријатели кои гласаа против, но сè уште бараат да финансираат проекти во нивните области, не грижете се. Ветив дека ќе бидам претседател на сите Американци. Ќе ги финансираме вашите проекти“, вети тој.
Бајден се осврна и на војната во Украина. Тој уште еднаш, повикувајќи ја украинската амбасадорка во САД, вети дека САД ќе бидат посветени на поддршка на украинската борба за слобода „колку што е потребно“.
Бајденовата „агенда за единство“ според која и Демократите и Републиканците работат заедно на приоритетите на државата, ги вклучува поддршката на ветераните, борбата против злоупотребата на опиоиди и решавањето на менталните болести. Според претседателот, има уште низа други прашања и области во кои двете ривалски политички партии можат да работат заедно, како што се построга регулација на Силиконската долина, антимонополско дејствување, посилна заштита на приватноста и мерки за заштита на децата на интернет.
„Знаете, често ни велат дека демократите и републиканците не можат да работат заедно. Но, во текот на изминатите две години, им докажавме на циниците и на противниците дека грешат“, рече Бајден во своето обраќање до нацијата кое многумина во Вашингтон го протолкуваа и како неформален почеток на неговата кампања за втор претседателски мандат.
Инспиративен говор. И реакции во големата сала на Конгресот на САД. Може да бидат пример за многумина што се занимаваат со политика. Се надевам дека и на некои политичари во нашата земја ќе им текне на што мислам.
Текстот е личен став на Авторот. Дозволено е преземање на текстот според лиценцата Creative Commons 4.0. | Извор: CivilMedia
Можеби ќе ве интересира…
- Вести +
- Biznispro.com
- Жена
Овој април ќе биде особено успешен и корисен за четирите знаци кои ќе доживеат голем напредок. Иднината не може да се предвиди, но ако им се верува на астролошките прогнози… Прочитај повеќе
Повеќето туристи кои не патуваат преку агенции, сместувањето го избираат преку специјализирани локации, што се води од критиките на другите гости. Но, тука често се јавува проблемот, особено ако критики… Прочитај повеќе
Откријте каква личност сте. Сите ние поминуваме многу време и на социјалните мрежи и пишувајќи пораки. Во зависност од тоа како ги пишувате, можете да одредите какви сте како личност.… Прочитај повеќе
Министерството за труд и социјална политика известува дека на ден 28.03.2023 година (вторник) започнува етапната исплата на пензиите за месец март, зголемени за 8.4% согласно усогласувањето предвидено со новата методологија… Прочитај повеќе
Откако голем број на граѓани се префрлија од пелети на греење со инвертери, топлотни пумпи или дрва побарувачката на овој енергенс драстично се намали, пишува Центар.мк. Високите цени од над… Прочитај повеќе
Скопје, 24.03.2023 година – Комерцијална банка е прогласена за „Најдобра банка во Северна Македонија за 2023 година“ од угледниот магазин Global Finance, награда која се должи на понудата на врвни… Прочитај повеќе
Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе
Ако мислите дека физичкиот изглед е главниот фактор за успешно флертување, вие сте осудени на неуспех. Самодовербата и шармот се поважни од физичкиот изглед. Изгледот е, да не се лажеме,… Прочитај повеќе
Бидете искрени со себе бидејќи од тоа зависи иднината на вашата врска. Откако ќе поминат првичниот занес и огномет од емоции, секоја врска достигнува точка на прекршување. Тогаш е време… Прочитај повеќе