21.8 C
Скопје
28. март 2024
Centar.mk – Вести, бизнис, забава, спорт…
ТЕМАСВЕТ

Мајка и бебе спасени од урнатините 29 часа по земјотресот во Турција

Триесетгодишната Хулија Џилмаз и нејзиното шестмесечно бебе Ајше беа спасени од урнатините на зграда во Хатај и 29 часа по земјотресот што вчера ги погоди јужните делови на Турција.

Бројни спасувачки тимови ги продолжуваат операциите за пребарување и спасување за да ги спасат луѓето заглавени под урнатините по разорните земјотреси во јужна Турција.

Членовите на спасувачките тимови кои ги отстранувале урнатините на зградата во областа Антакија во еден момент слушнале гласови под урнатините.

Тогаш успеале да стигнат до тоа место и спасиле 30-годишна мајка и шестмесечно бебе, дури 29 часа по земјотресот.

Мајката и бебето се пренесени на лекување во болница.

Во спасувачките операции во студентските центри и други објекти досега се згрижени 338.000 луѓе, а под урнатините се извлечени над 8.000 граѓани.

Во Турција поради разорните земјотреси е прогласена седумдневна жалост.

Спонзорирано: