Поранешниот руски претседател и актуелен заменик-претседател на рускиот Совет за безбедност, Дмитриј Медведев, како дел од проектот „Збор на класиците“ на руската државна телевизија, прочита извадок од писмото на рускиот поет Фјодор Тјутчев.
Медведев го започна својот настап со зборовите на поетот дека „со векови европскиот Запад сосема генијално веруваше дека постои и не може да има друга Европа освен него“, пренесува руската државна новинска агенција РИА Новости.
„Штом ќе признаеме, сè е јасно, сè е објаснето. Станува јасна неверојатната експанзија и брзиот успех на Русија и таа го запрепасти светот. Почнувате да сфаќате дека т.н. освојувања и насилство биле најлегитимно и најприродно нешто што некогаш било направено во историјата“, продолжи поранешниот руски претседател.
„Исто така, станува јасно зошто, една по друга, сите неприродни аспирации, сили и институции што и стоеја на патот, беа уништувани една по друга. Зошто, на пример, Полска мораше да пропадне“, додаде тој.
„Се разбира, не станува збор за изворната полска националност, не дај Боже, туку за лажната цивилизација и лажната националност што и се наметнати“, посочи Медведев.
