Затворена е кривичната истрага за смртта на жената која ја убиле кучиња во Велика Британија. Жената (28), чиј идентитет не се соопштува, шетала неколку кучиња во лондонското предградие Гравели Хил кога на 12 јануари била нападната.
На местото на настанот биле пронајдени осум кучиња, кои полицијата ги привела додека траела истрагата. Не е поднесена кривична пријава, соопшти полицијата.
Тие додадоа дека ниту едно куче не е од забранета раса. Обдукцијата на починатата жена беше извршена минатата недела, а документите сега ги чека патологот од Сари кој ќе започне истрага за смртта на жената.
Детективката Џозефин Хорнер вели дека ова е трагичен инцидент во кој млада жена го загубила животот.
– Знам дека тоа предизвика вистинска загриженост на локално ниво и благодарам на заедницата за трпението додека траеше кривичната истрага. Сега е завршено и информациите што ги собравме ќе му ги пренесеме на патологот во Сари – изјави Хорнер.
Детективот додаде дека кучињата ги чува приватна одгледувачница и дека за овој настан се известени сопствениците.
Се огласи и семејството на нападнатата жена.
– Ова е исклучително тешко време за нас. Апелираме да ја почитуваме нашата приватност во време на нашата тага – порачаа тие.
