Centar.mk – Вести, бизнис, забава, спорт…
СветТОП ВЕСТИ

Нов масакр во САД: Седум лица се убиени на две фарми

Нов масакр се случи во Соединетите Американски Држави. Седум лица загинаа во две одвоени, но поврзани престрелки во Калифорнија.

Напаѓачот, за кој се верува дека е вработен во транспортна компанија, пукал прво во фарма, а потоа и во локацијата на неговата компанија во близина на заливот Халф Мун, на 50 километри од Сан Франциско.

Американските медиуми го објавија и името на напаѓачот. Станува збор за Чунли Жао (67).

За пукотниците бил информиран и американскиот претседател Џо Бајден, напиша на Твитер неговата портпаролка Карин Жан-Пјер.

– Претседателот ги повика федералните сили на редот и законот да им ја пружат сета потребна помош на локалните власти – додаде таа.