Centar.mk – Вести, бизнис, забава, спорт…
Свет

Кадиров: „Горете во пеколот“

Чеченскиот лидер Рамзан Кадиров преку „Телеграм“ го осуди вчерашното палење на Куранот во Шведска.

Портпаролот на турското Министерство за надворешни работи изјави дека палењето на Куранот во Стокхолм укажува на нивото на исламофобија, расизам и дискриминација што постои во Европа. Инцидентот наиде на осуда и од министерствата за надворешни работи на Саудиска Арабија, Кувајт и Обединетите Арапски Емирати.

„Во Стокхолм, некое ѓубре, исто така лидер на данската сатанистичка партија, го запали светиот Куран пред турската амбасада. Ова суштество од пеколот беше против Турција, која гласаше против влезот на Шведска во НАТО. Само обожавателите на ѓаволот, најголемите измеќари, ќе посегнаа по светите места и ќе го наречеа знак на протест.

Ова наводно било одобрено од властите во Стокхолм и јас цврсто верувам дека овој одвратен чин не само што бил одобрен, туку и инициран и платен од политичките сили. Во спротивно, таков провокативен чин никогаш немаше да биде одобрен.

Секој ќе жнее што ќе посее и сите вклучени во овој грозоморен чин си донесоа вечно проклетство. Ќе го сфатат еден ден, но ќе биде предоцна. Горете во пеколот, ѓаволи“, напиша Кадиров на „Телеграм“.

Чеченскиот лидер додаде дека „буквално целото НАТО е плод на сатаната“ и дека тие се борат против него во Украина.