Centar.mk – Вести, бизнис, забава, спорт…
Свет

Брнабиќ: Ни претстојат тешки денови, но знаевме дека така ќе биде

Ништо не се крие, ништо нема да се решава без нашите граѓани, без нашиот народ, изјави српската премиерка Ана Брнабиќ, зборувајќи за ситуацијата на Косово и разговорите со меѓународните преговарачи.

Граѓаните утре повторно ќе можат да го слушнат претседателот на Србија за разговорите што ги имал со меѓународните преговарачи, а во вторник заедно со претседателот во Владата ќе се разговара за економскиот раст, изјави Брнабиќ.

„За нас е важно да продолжиме да се бориме за силна Србија во секој аспект. За се ќе комуницираме отворено и транспарентно со нашиот народ, сите тешки одлуки ќе ги носиме со нашиот народ и ќе ја сносиме целата одговорност“, рече Брнабиќ во гостувањето на телевизија Пинк.

„Атмосферата е исклучително сериозна, ни претстојат многу тешки денови, но знаевме дека така ќе биде“, изјави Брнабиќ.

Како што вели, времињата од Втората светска војна не биле потешки, додава дека притисоците се се посилни и посилни.

„Последниве години направивме многу Србија да се крене, да стане лидер и да се натпреварува со земјите членки на ЕУ во многу работи. Не смееме да ја загрозиме таа позиција, но од друга страна не смееме да ги загрозиме нашите национални интереси“, нагласи таа.