Centar.mk – Вести, бизнис, забава, спорт…
Свет

Трамп ја тужеше Клинтон, а сега поради тоа е казнет со речиси милион долари

Федерален судија нареди поранешниот американски претседател Доналд Трамп и неговите адвокати да платат повеќе од 930.000 долари отштета за неоснованата тужба против поранешната државна секретарка Хилари Клинтон дека го злоупотребил правниот систем.

Судијата Џон Мидлбрукс, кој ја отфрли тужбата на Трамп во септември, рече дека отштетата е оправдана бидејќи поранешниот републикански претседател покажал модел на злоупотреба на судовите за да ја унапреди својата политичка агенда.

Трамп ја тужеше Клинтон, демократскиот кандидат за претседател во 2016 година, тврдејќи дека таа и другите демократи се обиделе да ги наместат изборите со лажно обвинување на неговата кампања за врски со Русија.

Мидлбрукс, кој беше назначен за судија од претседателот Бил Клинтон во 1997 година, сопруг на демократ, го отфрли случајот во септември, нарекувајќи ја тужбата „политички манифест на двесте страници во кој се наведени неговите поплаки против оние што му се спротивставуваат“.

Во 2020 година, Трамп се повлече од претседателската функција откако беше поразен од демократот Џо Бајден, по што тој постојано изнесуваше лажни тврдења, зборувајќи за изборна измама.

Милијардерот ја објави својата кандидатура за претседателските избори во 2024 година,пренесе Индекс.хр.