Centar.mk – Вести, бизнис, забава, спорт…
Војна во УкраинаСвет

Киев со закон ќе ја укине Украинската православна црква ако е поврзана со Русија

Владата на Украина поднесе предлог-закон до парламентот со кој може да се укине Украинската православна црква доколку украинските власти заклучат дека е поврзана со Русија.

ТАСС наведува дека нацрт-законот е изготвен според упатствата на украинскиот претседател Володимир Зеленски.

Владиниот претставник во Собранието Тарас Мелничук на својот профил на Телеграм напиша дека со предложениот закон се предвидуваат измени на актуелниот закон со кој се оневозможува работењето на верските организации чиј центар на управување е надвор од Украина, поточно во држава која агресира против Украина.

Во средината на декември, украинскиот претседател Зеленски му нареди на парламентот да подготви нацрт-закон за забрана на „верските организации поврзани со центри на влијание во Руската Федерација“, според ТАСС.