За новите преговори меѓу Москва и Киев, неопходен е договор на страните во однос на два правни аспекти – станува збор за признавање на резултатите од самоопределувањето на луѓето од поранешните украински територии и изготвување нови меѓународни прописи, изјави заменик-претседателот на Советот за безбедност на Русија, Дмитриј Медведев.
„Постои потсетување на принципите на меѓународното право како основа за преговори. Универзалните принципи на јавното право на народот се несомнено важни, но проблемот отсекогаш бил во нивното толкување“, ја коментира Медведев ситуацијата.
Тој посочи дека Русија и непријателските земји разбираат најмалку два од седумте принципи содржани во Повелбата на Обединетите нации на разни начини: принципот на самоопределување на нациите (во смисла на поранешните украински територии) и принципот на совесно исполнување на меѓународните обврски (во смисла на договорите од Минск).
Според него, за нови преговори потребно е не само да се има јасно разбирање на принципите на меѓународното право туку и да се договорат два правни аспекта.
„Пред сè, признавање (или барем премолчено прифаќање) на резултатите од самоопределувањето на луѓето од поранешните територии на Украина, кои денес се отелотворени во внатрешното право на Русија, во нејзиниот Устав. Второ, развој на посебни меѓународни норми во согласност со постојната состојба и идните меѓународни односи. Како што беше, на пример, при подготовката на Повелбата на ОН во 1945 година. Всушност, тоа е создавање нови меѓународни прописи, кои го дополнуваат системот на jus cogens норми“, напиша Медведев.
Според медиумите, портпаролот на украинскиот претседател Володимир Зеленски претходно изјавил дека Украина не се откажува од преговорите, но вели дека овие преговори мора да се засноваат на одредени принципи, вклучително и паричен надомест. На ова Кремљ одговори дека, судејќи според украинското законодавство, Украина се исклучува од можноста за преговори.
