Едно лице е убиено, а четворица се ранети кога рано наутро во неделата биле испукани десетици истрели пред клуб во Хјустон, соопштија властите.
Официјални лица веруваат дека нешто по 02:00 часот во неделата, стрелците излегле од возило и отвориле оган врз луѓето на паркингот на еден клуб во Тексас, пренесува US News.
– Се чини дека овде се испукани повеќе од 50 истрели, што е многу страшна ситуација – рече Гонзалес, посочувајќи дека во близина има и камион со храна.
Гонзалес рече дека се чини дека најмалку една автоматска пушка АК-47 била употребена за време на пукањето.
– Ова е доста моќна работа што ја гледаме овде на улиците – рече тој.
Тој рече дека се ранети двајца мажи и три жени. Еден од мажите почина, но Гонзалес рече дека состојбата на другите не е позната во неделата.
Полицијата соопшти дека трага по напаѓачите, кои се уште не се идентификувани.
Гонзалес побара од секој што има информации да контактира со полицијата.