Centar.mk – Вести, бизнис, забава, спорт…
Свет

Повеќе од 30 лица повредени во Кина, двајца загинаа по експлозија во хемиска фабрика

Најмалку две лица загинаа, а 12 се водат за исчезнати во голема експлозија во хемиска фабрика во североисточна Кина.

34 лица се повредени во експлозија во предградието на градот Панџин, во провинцијата Лијаонинг.

Локалната самоуправа покажа фотографии од густ чад и оган што го зафати хемискиот комплекс.

Пожарникарите го ставија пожарот под контрола, а локалниот оддел за заштита на животната средина го следи квалитетот на воздухот во областа, соопшти локалната власт на округот.

Причината за експлозијата е под истрага.