Centar.mk – Вести, бизнис, забава, спорт…
Војна во УкраинаСвет

Сирени одекнаа низ Украина, се очекува напад: Русите подигнаа 17 авиони и испратија бродови

Украинските власти издадоа тревога за воздушни напади во региони низ земјата.

Во последните два часа, официјалниот канал за воздушно предупредување Телеграм издаде предупредувања за регионот околу главниот град Киев, како и за поголемите градови Херсон и Лавов. Предупредувањата се на сила и во регионите Харков, Доњецк, Дњепропетровск и околу десетина други.

Властите, исто така, соопштија дека артилериски оган го погодува јужниот град Никопол, а сите жители биле повикани да се засолнат.

Украина соопшти дека регионот на Киев утрово бил погоден со балистички ракети од север во првиот голем напад на главниот град на Украина од Нова година.

Во рускиот ракетен напад беше погодена клучната инфраструктура во Киев, а беа нападнати и Харков и Запорожје, објавија официјални лица.

Градоначалникот на Киев Виталиј Кличко ги повика жителите да одат во засолништата. Тој исто така рече дека остатоците од проектилот паднале на ненаселена област во западниот дел на Киев.

После тоа, гувернерот на украинскиот регион Черкаси предупредил дека Русија може да изврши моќен ракетен напад во текот на денот, бидејќи 17 бомбардери Тупољев полетале од руските воздушни бази. Тој ги повика жителите во областа да се упатат кон засолништата со вклучување на сирените за воздушен напад.

Русија денеска распореди брод вооружен со крстосувачки ракети „Калибр“ во Црното Море, за првпат од почетокот на јануари, соопшти украинската морнарица.

„ Седум непријателски бродови се на борбена задача во Црното Море, меѓу кои и носачот на крстаречки ракети „Калибр“, со вкупен капацитет од осум проектили – соопшти морнарицата.